Ndonëse u lajmërua se falja e namazit për Fiter Bajramin do të mbahej në orën 07.30 në sheshin “Skënderbej”, në fakt ai është falur 15 minuta para, duke bërë që shumë besimtarë të mbesin pa kryer ritualin.
“Komuniteti Mysliman i Shqipërisë, njofton të gjithë besimtarët se Fitër Bajrami do të falet ditën e dielë, më datë Më datë 30.03.2025 në “Sheshin Skënderbej”, Tiranë. Ceremonia e Faljes së Fitër Bajramit fillon në orën 06.45 me lexim kurani dhe ligjërata, ndërsa në orën 07.30 qëndrojmë në namaz”, shprehej KMSH.
Por duket se gjithçka ndodhi jashtë parashikimit dhe rreth orës 07.15 u njoftua falja e namazit, duke kapur në befasi shumë besimtarë që ishin duke shkuar drejt sheshit “Skënderbej”. Me qindra persona e kanë humbur faljen për shkak të kësaj moskorrektese. Në rrjetet sociale ka pasur shumë kritika.
“Falja e Bajramit 15 minuta për lajmërimit zyrtar që kishte bërë KMSH, tregon papërgjegjshmërinë e drejtuesve të Komunitetit Musliman, si dhe pabesinë, talljen dhe nëpërkëmbjen që drejtuesit gylenistë të KMSH iu bëjnë muslimanëve shqiptarë”, shprehen disa./ S,M
