Edlira Dyrmishaj, garon për deputete në listën e hapur të Partisë Socialiste në zgjedhjet e 11 majit. Dyrmishaj kandidon në listën e hapur të Tiranës, ndërsa ajo është një praktikante e besimit mysliman.
Nga studio e ‘Off the Record’ në A2 CNN, Dyrmishaj ka folur për një fotografi të kryeministrit Edi Rama disa vite më parë, ku ai shfaqet teksa shkel në sixhaden e një besimtari mysliman teksa ky i fundit ishte duke u falur.
Dyrmishaj ka thënë se Edi Rama ka ndryshuar qëndrim për Islamin, madje citon edhe disa fjalë të vetë kryeministrit, por edhe faktin se ai ka futur në listat e kandidatëve për deputet edhe një praktikante.
“Fakti që ju treguat për një fotografi të Ramës duke shkelur mbi sixhaden e një besimtari që po falej… është dikur rreth 12 apo 15 vite më parë. Ajnshtajni thotë vetëm i çmenduri nuk ndryshon.
Është fakt, por është para 20 vitesh. Pas 20 vitesh është ky zotëria që thotë këtë zonjën që është besimtare praktikante unë e dua në listat e mia për zgjedhje.
Unë jam shumë e nderuar që jam në lista të hapura, sepse po të isha në lista të mbyllura do të lexohesha si militante.
Rama ka thënë ‘unë kam qenë ai personi që kam pasur këtë idenë kaq negative për Islamin e myslimanët dhe e kam vjellë këtë gjë kur shkova në Kuvajt dhe pashë modelin e Islamit atje”, tha Dyrmishaj./ S,M
