VIDEO/ Mikroçipe nën lëkurën e dorës, ja si po kontrollohen jetët e europianëve

113 563 lexime

124,178FansaPëlqeje

Implementimi i mikroçipeve nën lëkurën e duarve të qytetarëve europianë, duket se ka filluar të zbatohet.

Mijëra suedezë kanë qenë pionierë në përdorimin e mikroçipeve futuriste që janë vendosur nën lëkurë. Euronews transmeton se teknologjia përdoret për detyra të përditshme, si hyrja në smartphone-t tuaj, hapja e derës ose si një alarm.

Ata që qëndrojnë pas këtyre mikroçipeve, me madhësi të një kokërr orizi dhe të implantuar përmes një shiringe, po punojnë për të hyrë në pjesë të tjera të Evropës.

Eric Larsen, i cili drejton Biohax Italia, është duke pritur për miratim në Itali nga qendrat mjekësore dhe ministria e shëndetësisë.

Ai tha se pret që të vendoset një çip në rreth 2.500 njerëz në gjashtë deri në tetë muajt e parë në Milano dhe Romë.

Madje, po sipas Euronews, edhe pa certifikimin e ministrisë së shëndetësisë, Biohax Italia tashmë ka qenë në gjendje t’i fusë këto në disa qindra njerëz me ndihmën e një qendre mjekësore.

“Është një hap drejt së ardhmes … është jashtëzakonisht futuriste, edhe pse tashmë po ndodh. Kjo teknologji lindi për të na ndihmuar, për të na dhënë ‘superfuqi’ të vogla”, tha Larsen për Euronews.

Por COVID-19 mund t’i bëjë njerëzit më të shqetësuar në lidhje me një gjë të tillë, tha Larsen, për shkak të shqetësimit të publikut në lidhje me aplikimet për gjurmimin e kontakteve të paraqitura nga qeveritë gjatë pandemisë.

“Ne po shohim që shumë njerëz në Itali nuk janë të lumtur me shtimin e diçkaje si një GPS ose diçka që mund të ndjekë lëvizjen tonë. Kjo mund të jetë një rrezik për ne”, shpjegoi ai.

Lexo edhe :  Asnjë e shtënë arme, asnjë i plagosur, rusët i dorëzohen robotëve dhe dronëve ukrainas

“Ne nuk po gjurmojmë lëvizjet – nuk kemi GPS brenda, por mendoj se shumë njerëz nuk janë të vetëdijshëm për këtë”.

Planifikuesi i zgjidhjeve suedeze të teknologjisë informative Martin Lewin përdor të dy mikrochip-at në dorën e tij për gjëra të tilla si hyrja në kompjuter, vendosja e alarmit në zyrë dhe nisja e profilit të tij LinkedIn, përcjell Telegrafi.

Por përdorimi i tyre si një alternativë për pagesa pritet të jetë pika kryesore e teknologjisë.

“Nuk është ndryshe përveçse thjesht heqja e nevojës për një kuletë, heqja e nevojës për një çelës, heqja e nevojës për të gjitha këto gjëra të shkëputura që krijojnë vetëm rrezik sepse nëse i humbni ato, ju humbni identitetin tuaj”, tha Joëan Österlund, i cili qëndron pas Biohax International.

Ndërkohë, siç shkruan Euronews, në Suedi, mikrochip-at mund të përdoren edhe si një biletë treni.

Të fundit

Daily Express: Shqipëria destinacioni më i mirë europian për pushime

Ekspertët e udhëtimeve kanë rekomanduar Shqipërinë si destinacionin më të mirë evropian për pushime në vitin 2025. Blogeri i njohur...

Përfundon restaurimi i Kalasë së Bashtovës me mbështetjen e BE

Zyra e Bashkimit Evropian në Tiranë njoftoi sot përfundimin e punimeve për konservimin dhe restaurimin e Kalasë së Bashtovës, një prej monumenteve historike më...

Përballen për herë të parë, caktohet stadiumi ku do luajë Shqipëria miqësoren e shtatorit

Kombëtarja shqiptare e futbollit do të zhvillojë një ndeshje miqësore ndaj Gjibraltarit më 4 shtator. Të dyja federatat kanë rënë dakord që kjo ndeshje të...

Na u sulët si bisha kur thamë se PD po i paguan kot ato para/ Muli tani rrezikon burgun

Ylli Manjani ka komentuar vendimin e fundit të SHBA, për të mos komentuar më proceset zgjedhore në vendet e tjera. “Më në fund doli dikush...

“Nuk do të ketë asnjë strukturë mbi trotuare”/ Rama ndan pamjet nga ‘çlirimi’ i Tiranës

Kryeministri Edi Rama ka reaguar sot përmes një postimi në Facebook, ku ka dhënë detaje mbi ecurinë e aksionit për çlirimin e hapësirave publike,...

Lajme të tjera

Web TV