Kancelarja gjermane, Angela Merkel ka folur për sulmin e hakerave në Bundestagun gjerman në vitin 2015, ajo deklaroi se ekzistojnë prova të forta për pjesëmarrjen e rusëve.
Më tej kancelarja është shprehur se është e pakëndshme që gjurmët e sulmit çojnë te shërbimet inteligjente ruse, dhe se një gjë e tillë prish bashkëpunimin bazuar në besim.
“Kjo më dhemb. Unë luftoj çdo ditë për marrëdhënie më të mira me Rusinë,” tha kancelarja gjermane.
Autoritetet gjermane kanë akuzuar shërbimin e inteligjencës ushtarake ruse GRU për sulmin kibernetik të Bundestagut të 2015. Prokurori ka lëshuar një urdhër arresti ndërkombëtar për hakerin rus Dimitrij Badin.
