Presidenti i SHBA-së, Donald Trump priti në Shtëpinë e Bardhë kryeministren e Italisë Giorgia Meloni.
Trump u shpreh se Meloni “i pëlqen shumë”.
“Unë mendoj se ajo është një kryeministre e madhe. Unë mendoj se ajo po bën një punë fantastike,” tha Donald Trump, duke shtuar se e njeh atë “që në fillim” si kryeministre.
“Ajo është një nga udhëheqësit e vërtetë të botës,” thotë ai.
Trump vazhdon duke thënë se SHBA dhe Italia kanë një marrëdhënie shumë të mirë.
“Do të ketë një marrëveshje tregtare, 100%,” thotë ai, “por do të jetë një marrëveshje e drejtë”./E.S
