Ambasadorja amerikane në Tiranë, Yuri Kim ka bërë me dije tre prioritetet e saj gjatë punës si përfaqësuese e qeverisë së Shteteve të Bashkuara në Shqipëri.
Përmes një postimi në rrjetin social ‘Twitter’, ambasadorja deklaron se tre prioritetet e saj janë: forcimi I marrëdhënieve të mbrojtjes Shtetet e Bashkuara-Shqipëri; mbështetje për ngritjen dhe funksionimin e institucioneve demokratike; rritja e tregtisë dhe investimeve Shtete të Bashkuara-Shqipëri. Sipas Kim, të treja kërkojnë sundim të ligjit, transparencë dhe fund të korrupsionit.
“3 prioritetet e mia janë (1) forcimi i marrëdhënieve të mbrojtjes Flag of United States-Flag of Albania; (2) mbështetje për ngritjen & funksionimin e institucioneve demokratike; (3) rritja e tregtisë & investimeve Flag of United States-Flag of Albania. Të 3-ja kërkojnë sundim të ligjit, transparencë & fund të korrupsionit!”, ka deklaruar ambasadorja Kim.
