Gjatë një takimi elektoral në Astir të Tiranës, kreu i Partisë Mundësia, Agron Shehaj, është shprehur se shqiptarët janë qeverisur nga politikanë të korruptuar që “thjesht jua kanë marrë shpirtin”.
Shehaj tha se janë ndryshe sepse ia kanë dalë me punë të ndershme dhe se nuk bëjnë populzima e premtime boshe, duke ia atribuuar këtë të gjitha partive të tjera politike.
Shehaj: Shqiptarët fatkeqësisht janë qeverisur nga politikanë të korruptuar që thjesht jua kanë marrë shpirtin, nuk u kanë lënë të punojnë.
Ne dallojmë nga të tjerë, të vjetër dhe të rinj. Ndryshe nga ata ne ia kemi dalë me punë të ndershme, ne nuk bëjmë populizma dhe premtime boshe, nuk tallemi me njerëzit, por u themi të vërtetën.
Ne nuk u themi që do i shpëtojmë, do t’i bëjmë më të pasur. Ne jemi të vetëdijshëm që Shqipëria do të pasurohet falë punës së njerëzve të ndershëm. E vetmja gjë që duhet të bëjmë është t’i lëmë të punojmë, t’u heqim shtetin nga kurrizi.
Po të mos kishte patur këtë qeveri të korruptuar, Shqipëria do të kishte qenë më e pasur dhe nuk do të ishin larguar shqiptarët./E.S
