Analisti Skënder Minxhozi, i ftuar sonte në “Real Story”, analizoi politikisht dy figurat e Partisë Demokratike, Jorida Tabakun dhe Ilir Alimehmetin, të cilët rivalizuan njëri-tjetrin kokë më kokë në lista e hapura në qarkun e Tiranës.
Ai theksoi se Alimehmeti është një emër “rishtar” në politikë, kurse Jorida Tabaku është një politikane e maturuar.
Sipas tij, doktori Alimehmetit kur pyetet për çështje të nxehta apo tema të forta politike nuk merr “guximin” t’i komentojë ato, por tërhiqet dhe thotë se këto komente duhet t’i japë vetë PD.
“Alimehemti krahasuar me Tabakun është një rishtar politik përballë një politikaneje si Tabaku, nuk duhet ta harrojmë këtë. Kur pyetet për çështje të nxehta dhe kur është pjesa për të hyrë në debate të forta, menjëherë thotë se për këtë duhet të pyesni në PD, a thua se nuk është vetë përfaqësues në PD.
Një figurë e tillë, nëse do hynte garën për kreun e bashkisë së Tiranës, do ishte shumë atipike për bërthamën e egër që ka mbetur tani dhe që përfaqëson PD e sotme, ndërkohë që Tabaku i ka fituar betejat e veta, pse sulmohet Tabaku, sepse përbën një dalje nga skenari”, tha ai.
