Kryeministri Edi Rama ka pritur në kryeministri disa studentë nga Harvard Kennedy School.
Teksa ka ndarë një video me pamje nga takimi me ta, kreu i qeverisë shkruan se studentët ishin të interesuar që të mësonin detaje lidhur me rrugën e transformimit të madh të Shqipërisë.
“Mirëmëngjes dhe me këtë videokartolinë mikpritjeje në Kryeministri, të studentëve nga Harvard Kennedy School – një ndër institucionet më prestigjioze në botë të studimeve për politikat publike dhe qeverisjen – të cilët ishin shumë të interesuar të mësonin mbi rrugën e transformimit të madh të Shqipërisë, ju uroj një ditë të mbarë”, shkruan Rama./E.T
