Policia ka shpallur në kërkim një 30-vjeçar pasi akuzohet se është i përfshirë në trafik klandestinësh nga vendet e treta drej BE-së.
I riu me inicialet F.M., banues në Memaliaj, një ditë më parë ka braktisuar automjetin e tij në aksin rrugor Tepelenë-Gjirokastër, me të cilin dyshohet se ka qenë duke transportuar dy emigrantë të paligjshëm. Policia bën me dije se vijon kërkimet për të riun përmes gjurmimit.
Njoftimi i Policisë
Specialistët për Hetimin e Trafiqeve dhe Narkotikëve njoftuan sot (23 maj) se referuan materialet në Prokurori dhe shpallën në kërkim F. M., banues në Memaliaj, pasi ditën e djeshme, në aksin rrugor Tepelenë-Gjirokastër, ka braktisur automjetin me të cilin dyshohet se ka qenë duke transportuar 2 emigrantë të paligjshëm.
Punohet për kapjen e tij dhe për dokumentimin e rastit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme. m.p.
