Mohamed Salah është i vendosur të shkruajë histori te Liverpuli, pasi sulmuesi kryesor i kampionëve të Anglisë shtoi se nuk ka qenë kurrë më i lumtur gjatë tetë viteve në “Anfield”. Egjiptiani u kurorëzua Futbollisti i Vitit nga Shoqata e Shkrimtarëve të Futbollit për herë të tretë për rolin e jashtëzakonshëm që luajti në ndihmën që i dha Liverpulit për të fituar Premier League.
Egjiptianit i duhen dy gola në ndeshjen e fundit të Liverpulit në shtëpi kundër Crystal Palace për të vendosur një rekord në Premier League. Ai ka bilancin më të mirë për një fushatë prej 38 ndeshjesh, por mund ta kalojë bilancin prej 47 ndeshjesh, i cili aktualisht mbahet nga Endi Kol dhe Alan Shirer. “Do të thotë shumë të fitosh këtë çmim”, tha Salah, i cili ishte vlerësuar më parë në vitet 2018 dhe 2022.
Verstappen mbetet jashtë podiumit, Norris triumfon në Monako dhe tremb shokun e skuadrës në luftën për titull!
“Është e pabesueshme të shohësh emrat dhe është kaq e veçantë. Jam këtu sepse kemi fituar Premier League dhe kam pasur atë ndikim në ekip. Ditën që e fituam (kundër Totenhemit), sinqerisht, nuk jam ndjerë kurrë kaq i lumtur dhe festimet kur e fituam ishin të mrekullueshme.
Por dua të shënoj sa më shumë gola dhe asiste! Shpresoj të jem përsëri këtu sezonin e ardhshëm. Dua ta fitoj Premier League edhe një herë dhe Ligën e Kampionëve përsëri”, tha ai. m.p.
