Presidenti francez, Emmanuel Macron, ka reaguar pas videos ku duket se tregon gruan e tij, Brigitte, duke e shtyrë larg dhe madje duke e goditur me grusht në fytyrë. Emmanuel Macron mohoi çdo “skenë familjare” me gruan e tij pas videoes virale në internet pas mbërritjes së tij në Vietnam, duke pohuar se çifti po bënte shaka.
“Unë dhe gruaja ime po bëjmë shaka, dhe (…) kjo po bëhet një lloj katastrofe gjeoplanetare, dhe disa njerëz madje po dalin me teori për ta shpjeguar të gjithën”, u tha presidenti gazetarëve në prag të vizitës së tij shtetërore në Vietnam.
Në videon në fjalë, shihej çifti që përgatitej të zbriste nga avioni, dora e Zonjës së Parë shihet duke e goditur kreun e shtetit në fytyrë. “Grindje”, një moment “bashkëpunimi” apo një goditje në fytyrë?
Imazhet e Emmanuel Macron dhe Brigitte Macron që mbërrijnë në Vietnam më 25 maj për të filluar një turne në Azinë Juglindore kanë shkaktuar polemika dhe komente të shumta në mediat sociale.
Pamjet në aeroportin e Hanoit tregojnë derën e avionit të presidentit duke u hapur dhe siluetën e Emmanuel Macron që shfaqet, ende brenda avionit. Në atë moment, shfaqen dy krahët e gruas së tij, pa u parë ajo e plotë, dhe ajo shpejt ngre një dorë në fytyrën e presidentit në atë që mund të duket si një goditje e vogël. m.p.
