Një inxhinier i quajtur Azmer Duleviç ka shpërndarë në Facebook një nismë domethënëse. Ai ka vendosur të ndihmojë dy maturantë jetimë për studimet universitare.
“Duke qenë se jemi në periudhën e aplikimeve në universitete, kam vendosur personalisht të ndërmarr një nismë për të mbështetur dy maturantë jetimë, një djalë dhe një vajzë, duke u paguar kostot e universitetit. E di nga përvoja personale sesa sfiduese mund të jetë rruga drejt arsimit, sidomos kur përballesh me vështirësi ekonomike. Edhe pse pata fatin të kem pranë të dy prindërit, e kuptoj sa e vështirë është kjo rrugë për ata që nuk kanë mbështetje familjare”, shkruan Duleviç në faqen e tij.
Një gjest human dhe plot kuptim, i cili duhet të kthehet në një akt masiv solidariteti në shoqërinë shqiptare. Edhe pse qeveria shqiptare ka disa vite që krijon skema mbështetëse për studentët, e mira nuk ka fund, kështu që gjithsecili prej nesh mund të japë një ndihmë për të rinjtë. Arsimi është themeli i zhvillimit të njeriut. m.p.
