Një ngjarje e rëndë ka ndodhur këtë të premte në Durrës. Mësohet se një person në zonën e Fllakës është plagosur me armë zjarri.
Shkaqet dhe rrethanat e ngjarjes janë ende të paqarta ndërsa i plagosur ka mbetur Besmir Gorgea rreth 40 vjeç.
Sipas raportimeve, 40-vjeçari ka shkuar vetë në komisariat ku ka kërkuar ndihmën e efektivëve që ta transportojnë në spital.
I plagosuri është dërguar në spital për të marrë ndihmë mjekësore. Policia ndodhet në vendin e ngjarjes dhe ka nisur hetimet për rastin në fjalë.
Ende nuk ka ndonjë detaj mbi autorin/ët ndërsa raportohet se 40-vjeçari u qëllua nga persona të paidentifikuar teksa ishte në lëvizje. m.p.
