Ministri izraelit i Mbrojtjes, Israel Katz, ka urdhëruar ushtrinë të përparojë në Rripin e Gazës “pavarësisht nga çdo negociatë”, ndërsa është duke u zhvilluar përpjekjet për armëpushim.
“Urdhërova ushtrinë të vazhdojë të përparojë në Gaza kundër të gjitha objektivave, pavarësisht nga çdo negociatë, dhe të përdorë të gjitha mjetet e nevojshme për të mbrojtur ushtarët dhe për të eliminuar vrasësit e Hamasit”, tha ministri në një deklaratë.
Më tej ai tha “Ose Hamasi do t’i lirojë pengjet [të cilët i rrëmbyen gjatë sulmit të 7 tetorit 2023 ndaj Izraelit], ose ai do të shfaroset”.
Hamasi dha përgjigjen e tij dje ndaj një propozimi amerikan për armëpushim. Pa qenë e qartë nëse e pranon apo jo, ai propozoi një sërë amendamentesh të cilat pala amerikane i hodhi poshtë si të papranueshme. m.p.
