Një ngjarje tronditëse ka ndodhur në botën e sportit, ku mësohet se ka humbur jetën në moshë të re boksieri nga Kosova, Ensar Mujotra.
Lajmin për ndarjen nga jeta të 15-vjeçarit të talentuar e bëri të ditur zyrtari i Federatës së Boksit Latif Demolli. Ndërsa shkaqet e vdekjes së të riut nuk janë bërë të ditura.
“Federata e Boksit e Kosovës është e tronditur për vdekjen e boksierit të ri Ensar B. Mujota 15 vjecar. Me dhimbje të thellë e morëm lajmin për ndarjen nga jeta të sportistit (boksierit) tonë të zellshëm, Ensar Mujota, andaj më lejoni që në emër te Bordit te FBOXK-së, klubeve dhe gjithë komunitetit të boksit në Kosovë të ju shpreh ngushëllimet tona më të sinqerta familjes Mujota dhe K.B “Skender Salihu.
Ensari ishte i dashuruar me boksin dhe këtë e dëshmoi që nga fëmijëria, teksa si boksier aktiv u shqua me talentin e tij në K.B “Skender Salihu” Shtime. Ensari gjithmonë ishte i përkushtuar në sportin e boksit dhe u dallua si sportist i vërtetë. Ai u shqua si një djalë shembullor, dhe i afërt me të gjithë ata që e njohën , andaj si të tillë do ta kujtojmë përherë. Në këto momente të vështira të gjithë jemi pranë jush, për ta përballuar dhimbjen për humbjen e njeriut më të dashur për ju në moshë kaq të re”, shkruan Demolli./Fjala.al/
