Rrugët e kryeqytetit të Iranit kanë qenë kryesisht të zbrazëta sot për shkak të sulmeve izraelite.
Makina dhe burra me skuterë kaluan me shpejtësi pranë dyqaneve të mbyllura, pasi Donald Trump paralajmëroi se të gjithë duhet të evakuohen “menjëherë”.
Izraeli, duke përsëritur një taktikë të përdorur shpesh në Gaza, u ka thënë gjithashtu banorëve në një pjesë jugperëndimore të Teheranit të evakuohen në mënyrë që të mund të godasë instalimet ushtarake.
Të kombinuara, këto kanë çuar në largimin e një numri të madh njerëzish nga Teherani.
Mediat iraniane kanë raportuar trafik të rënduar në rrugët që largohen nga kryeqyteti, duke u drejtuar në veri. /e.t
