Një nuse u qëllua për vdekje natën e saj të dasmës në një fshat pranë qytetit juglindor francez të Avignonit, pasi persona të maskuar hapën zjarr, teksa banketi ishte duke përfunduar.
Një sulmues i dyshuar u vra gjithashtu në shkëmbimin e zjarrit, ndërsa dhëndri dhe një fëmijë 13-vjeçar u plagosën rëndë gjatë incidentit në fshatin Goult.
Forca të shumta policie dhe një helikopter kanë nisur një operacion të madh kërkimi për kapjen e të dyshuarve të cilët u arratisën pas ngjarjes.
Paraprakisht mendohet se ngjarja ka ndodhur si pasojë e një larje hesapesh mes bandave për trafikun e drogës.
Rreth orës 04:30, nusja 27 vjeçe dhe dhëndri 25 vjeç po largoheshin nga dasma kur sulmues të paidentifikuar hapën zjarr. Raportet fillestare sugjeruan se një nga sulmuesit ishte shtypur nga makina e çiftit, por prokurorja e Avignonit, Florence Galtier sqaroi se ai u vra nga shkëmbimi i zjarrit.
Policia tashmë ka nisur hetimet dhe dyshon se dasmorët dhe agresorët nuk i përkisnin komunitetit të fshatit prej 1000 banorësh. /e.t
