Lulzim Basha deklaroi sot se rikthimi i opozitës në tryezën e Këshillit Politik, ku negociohet reforma e re zgjedhore, nuk varet prej tyre, por prej Partisë Socialiste. Pas takimit me ambasadorët e huaj, Basha tha se opozita nuk mund të jetë fasadë në këtë proces dhe akuzoi partinë e drejtuar nga Edi Rama se nuk i ka pranuar propozimet e tyre.
“Kjo nuk varet nga ne. Ne nuk mund të jemi fasadë. Vullneti nuk shprehet me fjalë, por me vepra dhe veprat e javës së shkuar tregojnë të kundërtën. Topi është në anën e Partisë Socialiste PS nuk pranoi propozimet tona”, tha Basha.
Opozita bëri me dije mbrëmjen e 17 majit, pas shembjes së godinës së Teatrit Kombëtar se do të pezullonte pjesëmarrjen në Këshillin Politik.
