Një qen i qëndroi besnik pronarit të tij edhe pasi ai u qëllua me armë zjarri mëngjesin e të hënës në Meksikë.
Banorët në Guadalajara thirrën policinë pasi dëgjuan një seri me të shtëna armësh dhe vunë re një burrë të shtrirë në rrugë, shkruan Mirror.
Burri besohet se ishte 25 vjeç dhe mori plagë të shumta me armë zjarri, duke përfshirë një në fytyrë. Mjekët e emergjencës që shkuan në vendngjarje e shpallën atë të vdekur.
Qeni, i cili i përket llojit pit-bull, u gjet i ulur pranë trupit të viktimës dhe qëndroi atje ndërsa policia hetoi vendin e krimit.
Nuk dihet ende nëse burri i njihte atentatorët e tij./Përshtati R.G
