Ish-këshilltarja e kryeministrit Edi Rama, Irena Beqiraj ka rrëfyer ëndrrën e saj dhe që lidhet me një Shqipëri ku ambasadorët bëjnë punën e tyre dhe jo më shumë.
“Ëndrra ime është një Shqipëri ku ambasadorët, të kenë një jetë zyrtare monotone, të qetë, në pritjen e pafundme të një çështje bilaterale diplomatike për t’u zgjidhur”, shkruan Beqiraj.
Beqiraj thekson se ndërkombëtarët nuk mund të zgjidhin dhe nuk do të zgjidhin asnjë prej problemeve të shqiptarëve.
Reagimi i plotë
Unë kam një ëndërr.
Ëndrra ime është një Shqipëri ku ambasadorët, të kenë një jetë zyrtare monotone, të qetë, në pritjen e pafundme të një çështje bilaterale diplomatike për t’u zgjidhur.
Ambasadorë që u flasin shqiptarëve që na drejtojnë, në emër të popullit shqiptar në anglisht, nuk duhet të ketë më. Zyrtarë të BE që kthehen si këshilltarë politikë nuk duhet të dëgjohen më në këtë vend.
Për të gjithë ato që presin ambasadorët, zyrtarët burokratë të BE, të zgjidhin problemet tona, ju lutem merrni 3 minuta edhe e rilexoni këtë shënim.
Kam zgjedhur fabulën elegante të Ernesto Sirrolit… por ne kemi historinë tonë, e cila duhet të na bind që ndërkombëtarët pavarësisht narratives shpesh në mendimin tim modest “plot me bosh” nuk mund të zgjidhin, edhe nuk do të zgjidhin asgjë.
