Detaje të reja janë zbuluar nga grabitja e ndodhur pranë një qendre tregtare në Tiranë. Dy autorët e grabitjes, Donald Hoxha dhe Gentian Kane kanë pranuar se ata kanë kryer vjedhjen e çantës me 25 milionë lekë.
Ata deklaruan: Pamë që dera e automjetit nuk ishte mbyllur dhe morëm çantën e u larguam. Nuk e mendonim që kishte aq shumë para në çantë.
Dy autorët u arrestuan më 24 maj dhe pritet të dalin sot para gjykatës.
Operacioni i koduar “Kombinacioni”, u krye pas denoncimit të shtetasit F.B, të cilit i kishin vjedhur 20 milionë lekë të reja dhe 50 mijë franga, nga automjeti i tij tip Range Rover në zonën e Komunës së Parisit.
Autorët janë lokalizuar në qytetin e Fierit dhe u janë sekuestruar 17.5 milionë lekë dhe 50 mijë franga./Fjala.al/K.L
