Detaje të reja kanë dalë në dritë lidhur me vdekjen e punëtorit 36-vjeçar, Ervis Josifi ditën e djeshme në zonën pazarit në Korçë.
Sipas deklarimeve të personave të shoqëruar në polici, mësohet se 36-vjeçarit i ra mbi kokë segmenti metalik që peshonte rreth 5 tonë, duke i çarë kaskën mbrojtëse, çfarë solli vdekjen e menjëhershme. I riu i cili punonte në kantier së bashku me babanë dhe vëllanë.
Familja e 36-vjeçarit do të përfitojë nga sigurimi i jetës një pension në vlerën e 10 mijë lekëve në muaj, një shifër kjo që pa dyshim nuk mund t’i shuajë dhimbjen, por do t’u vijë sado pak në ndihmë ekonomish.
Punëtori që mbeti i plagosur po vijon trajtimin në spitalin e Korçës. Ai ka tre brinjë të thyera, por gjendja është e stabilizuar./Fjala.al
