Partia Socialiste e ka kaluar topin te Partia Demokratike dhe Lëvizja Socialiste për Integrim sa i përket mundësisë për të ndryshuar sistemin zgjedhor në Shqipëri. Damian Gjiknuri, përfaqësues i socialistëve në Këshillin Politik, deklaroi se “nëse ka konsensus të përgjithshëm nga paritë politike, PD-LSI, (për ndryshimin e sistemit zgjedhor) edhe ne do të shprehemi”.
Gjiknuri theksoi se për këtë çështje “rezervohemi të flasim të fundit”.
Gjithsesi, Gjiknuri bëri me dije se PS është e gatshme të diskutojë në një fazë të dytë për ndryshimin e sistemit, pasi të miratohen rekomandimet e OSBE-ODIHR, dhe kjo për faktin se kërkohet ndryshime Kushtetuese.
Ndryshimi i sistemit zgjedhor dhe hapja e listave të kandidatëve për deputetë është kërkesë e vazhdueshme e shoqërisë civile në Shqipëri, por edhe e deputetëve të opozitës parlamentare.
“Zgjedhorja”/ Hajdari flet pas mbledhjes: Do të trajtojmë dhe sistemin danez
Teknologjia në zgjedhje ndan palët, Bylykbashi: Qëndrimet e PS larg konsensusit
