Pasi bindi qeverinë Johnson për të rinisur futbollin, tani FA duhet të bindë edhe forcat e rendit. Policia angleze ka identifikuar gjashtë ndeshje me shqetësim të veçantë dhe me një rrezik të shtuar që kërkon të organizohen në vende neutrale kur të rikthehet Premier League. (fjala.al). Tre ndeshje që përfshijnë Liverpool do të zhvendosen në një fushë jashtë qytetit duke përfshirë derbin e Merseyside dhe përballjen që me gjasë do zyrtarizojë titullin për Reds.
Ekziston gjithashtu një shqetësim për dy ndeshjet e Neëcastle. Lista e plotë e ndeshjeve që policia ka shqetësime serioze është: Manchester City kundër Liverpool, Manchester City kundër Newcastle, Manchester United kundër Sheffield United, Newcastle kundër Liverpool, Everton kundër Liverpool dhe ndeshja që i jep matematikisht Liverpool titullin, e që forcat e rendit mendojnë se do sjellë festë e grumbullim masiv.
Në mbledhjen e Premier League, fillimisht ishin 12 ndeshje që u përmendën si potencialisht të rrezikshme. (fjala.al). “Diskutimet tona me Premier League gjatë gjithë këtij procesi kanë qenë pozitive, me një synim të përbashkët në përparësinë e shëndetit publik. Ende nuk është vendosur se ku do të zhvillohen ndeshjet neutrale” tha një zëdhënës i policisë.
Liverpool i duhen vetëm dy fitore të tjera për të kapur Premier League por “kurora” mund të zyrtarizohet që në fundjavën e hapjes, nëse Manchester City humbet ndaj Arsenal dhe Reds mposhtin Everton.(fjala.al)
