Reperja e njohur shqiptare në Zvicër, Loredana kishte planifikuar turneun e saj, që u anulua për shkak të pandemisë së koronavirusit.
Kjo situatë ka bërë që të ardhurat e saj të pësojnë rënie dhe për këtë ka vendosur që të rrisë çmimet e biletave të turit që do të mbahet sapo të hapen kufijtë.
Megjithatë ajo ka theksuar se rimbursimi është i mundur deri me datë 25 Qershor për çdo person që ka dëshirë.
“Fatkeqësisht, më duhet t’ju them se ne jemi detyruar për t’i bërë biletat e mëparshme më të shtrenjta në disa kategori çmimesh. Ne humbëm një shumë të jashtëzakonshme parash me turneun e fundit sepse turneu ynë nuk u shty si shumë, por u anulua tërësisht.
Prapëseprapë, unë u detyrova të financoja ekipin tim dhe t’u paguaj atyre tarifat e ndërprerjes, sepse asnjë prej tyre nuk mund të bënte asgjë ndaj vírusit. E kuptoj që situata është financiarisht shumë e vështirë për disa.
Sidoqoftë, unë ju kërkoj të mos zemëroheni me mua se turneu është bërë pak më i shtrenjtë. Fatkeqësisht nuk ka zgjidhje tjetër. Nëse akoma dëshironi t’i ktheni paratë tuaja, mund t’i ktheni biletat tuaja deri me 25 qershor”,-shkruan Loredana në një postim në ‘Instagram’.k.t/Fjala.al/
