Ndërsa kanë plasur një sërë protestash për shkak të vrasjes së George Floyd nga policia, tashmë kanë dalë pamjet e vrasjes së tjetër afroamerikani.
Kjo ngjarje ka ndodhur më 3 mars, në Tacoma, të shtetit të Washington-it dhe viktima quhet Manuel Ellis.
Ngjarjen e rëndë e filmoi një grua që ndodhej pas makinës së policisë, e cila dëgjohet duke bërtitur: “Boll e goditët, o Zot, ndaloni”!
Manuel gjithashtu duket se ka bërtitur: “Nuk marr dot frymë!”
Ndërsa sipas policisë, Ellis ishte ndaluar, pasi agjentët kishin parë se ai po përpiqej të hapte dyert e makinave të parkuara, dhe thotë se ai ka luftuar me ta, por disa pamje tregojnë që policët e godasin dhe e hedhin në tokë.
Rikujtojmë që prej 12 ditësh tashmë në qytetet kryesore të Shteteve të Bashkuara po zhvillohen protesta të mëdha paqësore, kundër dhunës së policisë, pas vdekjes së George Floyd.k.t/Fjala.al/
