Pamje të tmerrshme që transmetojnë mediat ndërkombëtare në Australi me kangurët dhe koalat të shtrirë në tokë tronditën zemrat e njerëzve në mbarë botën.
Reporterët në media tregojnë se prej flakëve mund të jenë shfarosur gjysmë miliardë kafshë.
Por orët e fundit situata duket se është përmirësuar për shkak të uljes së temperaturave dhe rënies së fuqisë së erës.
“Situatë e pazakontë”, është cilësuar nga autoritetet australiane e gjithë ngjarja e pazakontë që ka përfshirë vendin e tyre.
Përveç kafshëve në Australi janë rrezikuar edhe njerëzit, deri tani 24 persona kanë humbur jetën. Autoritetet vendore raportojnë se mijëra njerëz vazhdojnë të qëndrojnë në kampe mes pasigurisë për të ardhmen.
Për të ndihmuar australianët të rindërtojnë jetën pas katastrofës ,së fundmi është ngritur dhe një Agjenci e Rimëkëmbjes nga Zjarri. /Fjala.al
