Blerje e çmendur. Sofia Vergara dhe bashkëshorti i saj Joe Manganiello kanë blerë shtëpinë e tyre të re, një super vilë luksoze në zonën më të shtrenjtë të Los Anxheles, Beverly Park. Vila e stilit toskan, e ndërtuar në vitin 1999, ka 6 dhoma gjumi, 10 tualete, hapësirë prej 17 mijë metra katror dhe 2 hektarë tokë.
Sofia, 47 vjeçe dhe Joe, 43 vjeç, janë zyrtarisht pronarët e vilës 26 milionë dollarëshe, që pjesë të saj ka edhe 2 shtëpi për miqtë, një home cinema dhe një pishinë. Shtëpia që ishte në pronësi të miliarderes Diana Chen, ishte listuar me çmimin fillestar të 30 milionë dollarëve por Joe arriti të përfitojë ulje prej 4 milionësh.
Rreth e qark shtëpisë, siç stili italian e kërkon, ka pemë ulliri dhe shatërvanë. Po ashtu, në pjesën e jashtme dallohet lehtësisht nga fotot fusha e tenisit, vaska e ngrohtë apo edhe kuzhina e bari i hapur. Cifti, i apasionuar pas palestrës, tashmë e ka një të tillë gjigande, edhe brenda shtëpisë së re. Çifti aktualisht jeton në vilën vetëm pak metra më tutje, që e blenë për 10.6 milionë dollarë në vitin 2014.
Sofia Vergara ishte një nga aktoret më të paguara të ekranit për vitin 2019, falë rolit të saj në serialin “Modern Family”. Për një episod, ajo është paguar plot 500 mijë $ ndërsa xhirimet përfunduan vetëm vitin e shkuar, pas 1 dekade.
Sipas revistës Forbes, në 2019 ajo arkëtoi fitime prej 44.1 milionë dollarë, në rritje nga 42.5 milionë një vit më parë. Ajo është gjithashtu imazhi i disa prej firmave më të njohura të modës si Dolce & Gabbana dhe Walmart, ndërsa së fundmi ka firmosur kontratë për të qenë pjesë e jurisë në “America’s Got Talent”./Fjala.al/Burimi:DailyMail
