numri një i qeverisë Edi Rama pritet të takohet sot në orën 19.00 me tre kryetarët e grupeve të opozitës për të arritur në një marrëveshje konsensuale për të votuar reformën zgjedhore.
Rama tha se nuk shkon që në rrugë të bësh konsensus dhe në parlament të shkosh me shpatë pa llogaritur që ka edhe të tjerë.
Sipas tij,do të synohet konsensusi e do të luftojmë për të kuptuar dhe mirëkuptuar me të tjerët, por ‘sa do ja dalim, do ta shikojmë’.
Rama nuk nguroi t’i dërgoi një mesazh dy kryetarëve të PD-LSI-së, “deputetët në Kuvend nga radhët e opozitës janë zgjedhur nga Lulzim Basha dhe Monika Kryemadhi”.
Fjala e plotë
Nuk ka 15 kushte për të shkuar në konferencën e parë ndërqeveritare. E di që situata nuk është e qetë, ne kemi dakordësuar një marrëveshje, duhet të mos lëvizë, sigurisht e vetmja kënaqësi, që kam marrë është kënaqësia e Lulit, rëndësi ka që u kënaq Luli nuk ka asnjë kënaqësi tjetër, se nuk reformon asgjë në sistem, përsa i përket administrimit. Qëllimi ishte ky, jo pamundësia jonë për të shkuar vetëm përpara, por që të bashkoheshim të gjithë ne bashkë me gjithë botën për ta lehtësuar Lulzim Bashën nga frika e tmerrshme e zgjedhjeve dhe për t’i thënë si e do ti, thuaj si e do ti? Unë e di që do të ketë prapë llafe se ne prapë do të fitojmë dhe ata prapë do të humbasin.
Bo.Ba/fjala.al
