Arkitekti Artan Shkreli ka publikuar sot një foto të rrallë ku shihet një urë e vjetër mbi Gjanicë.
Përmes një postimi në “Facebook”, Shkreli shkruan se ky është rast shumë i rrallë i një urë me kurriz të drejtë; tradita e vjetër kishte mbijetuar në këtë vepër. Arkitekti sqaron se ura mjerisht u shemb nga moskujdesja ne gjysmën e parë të shek XX.
“Ura e vjetër mbi Gjanicë (Argyas-in e lashtësisë). Peizazh idilik i një Myzeqeje që nuk ekziston më.
Rast shumë i rrallë i një urë me kurriz të drejtë; tradita e vjetër kishte mbijetuar në këtë vepër. Mjerisht u shemb nga moskujdesja ne gjysmën e parë të shek XX,” shkruan mes të tjerash Shkreli.
Kujtojmë se qyteti i Fierit u shndërrua nga një vendbanim i vogël rural në një qytet të mirëfilltë në sajë të një ure. Ndërsa sot në Fier ekzistojnë 7 ura, secila prej tyre mbart një histori të veçantë, që nis nga shekulli i XVIII-të, për të vijuar deri në ditët tona.
Shumëkush nuk e di që Fieri u shndërrua nga një vendbanim i vogël rural në një qytet të mirëfilltë në sajë të një ure. Do të ishte ura mbi Gjanicë e ndërtuar në vitin 1777 nga Rrapushja, e bija e sundimtarit të Pashallëkut të Beratit, Ahmet Kurt Pashës, duke bashkuar fshatrat dhe lehtësuar lëvizjen e banorëve. Fieri është qyteti me më shumë ura në vendin tonë, dhe ky fakt nuk është i rastësishëm.
Sot në lumin Gjanicë në Fier funksionojnë 7 ura. secila prej tyre mbart një histori të vecantë, që nis nga shekulli i XVIII-të, për të vijuar deri në ditët tona.
7 urat mbi Gjanicë klasifikohen duke u bazuar tek ujërat rrjedhëse mbi të cilat ngrihen. E para ështe ”Ura e Kishës” (foto ura e kishes , plus pamje nga librat) ose ura e gurtë e cila ka qenë edhe ura më e vjetër sot nuk ekziston.
Rreth saj, në librin ”Shqipëria në 1927”, autori Teki Selenica na tregon se ndërtimi u bë në vitin 1777 nga e bija e Kurt Pashës, Rrapushja, dhe bashkoi brigjet e dy fshatrave të atëhershëm, të Shkozës në brigjet lindore të Gjanicës, me fshatin e Fierit të Madh, që ndodhej në brigjet perëndimore të lumit.
Ndërsa historia na njofton se ura u ndërtua nga familja e sundimtarit të pashallëkut të Beratit, Kurt Pashës, në vendin ku ishte ngritur më parë ura e rrugës antike Egnatia.
Jo rastësisht sot Fieri konsiderohet qyteti me më shumë ura në vend.Por a e dinë qytetarët e Fierit simbolikën e shtatë urave përmbi Gjanicë? Por pyetjes se a do të ndërtohen të tjera ura mbi lumin Gjanica nuk mund ti përgjigjemi dot. Ndoshta në të ardhmen perspektivat e zhvillimit të qytetit do ta mundësojnë përsëri një gjë të tillë.
la.mi/Fjala.al
