Nuk ka rëndësi nëse udhëtoni vetëm më një çantë shpine apo bëni një rezervim në një hotel luksoz.
Të gjitha përvojat e udhëtimit ndikojnë pozitivisht në shëndetin tuaj, dhe ju japin më shumë adrenalinë.
Për disa njerëz, gëzimi që udhëtimet sjellin, sipas studiuesve mund të tejkalojë ngjarje të tjera të rëndësishme në jetën e tyre, psh martesa apo të pasurit një fëmijë.
Dhe hulumtimi i realizuar nga Booking.com konfirmoi që njerëzit vlerësojnë udhëtimet aq shumë sa që madje kryesuan listën e gjërave që u sjellin atyre më shumë lumturinë në jetë!
Udhëtimi nxit menjëherë lumturinë
Për të marrë rezultatet e duhura, Booking.com intervistoi 17,000 njerëz që vinin nga 17 vende. Të anketuarit konfirmuan që shumë pak gjëra mund të zëvendësojnë shkuarjen në pushime kur bëhet fjalë për lumturinë.
Për shembull, 77% e njerëzve thanë që ata rezervojnë pushime kur duhet të rrisin menjëherë humorin e tyre.
Udhëtimi mund të sjellë më shumë lumturi sesa disa ngjarje të tjera të rëndësishme të jetës
Pjesa më intriguese e këtij studimi është se njerëzit vlerësojnë udhëtimin më shumë sesa ngjarje të veçanta të jetës së tyre.
49% e të anketuarve thanë që ndjejnë një nivel më të madh të lumturisë kur planifikojnë dhe shkojnë me pushime sesa ndjenja e lumturisë që kishin në ditën e dasmës së tyre!
Pothuajse gjysma e personave të intervistuar thanë se të vendosnin për një datë martese me partnerin e tyre nuk i ngre ata emocionalisht aq sa e bën një udhëtim.
45% e të anketuarve pohuan se të fejuarit nuk u jepnin atyre një nxitje emocionale siç bëjnë udhëtimet.
Blerja e gjërave (Shopping) nuk mund t’ju ofrojë kaq shumë gëzim.
Nga studimi doli se njerëzit vlerësojnë marrjen e përvojave të reja më shumë sesa të posedojnë shumë gjëra materiale. 70% e të anketuarve thanë që shkuarja me pushime u jep atyre kënaqësi që zgjat më shumë sesa lumturia që ata marrin nga blerja e gjërave.
Duket sikur njerëzit janë të gatshëm të sakrifikojnë rehatinë e tyre për hir të përvojave të reja të udhëtimit. Për shembull, 56% e të anketuarve më mirë do të shkonin me pushime sesa të blinin rroba ose vegla të reja. 48% e të anketuarve janë të gatshëm të shtyjnë rregullimet në shtëpi për të vizituar vendet e reja.
Edhe planifikimi i pushimeve përmirëson gjendjen tonë emocionale
Për 72% të të anketuarve, mjafton vetëm të filloni të planifikoni një pushim që të ndjeheni më të lumtur. Për shembull, 80% ndjehen më të ngazëllyer kur thjesht shikojnë një hartë dhe zgjedhin vendet që dëshirojnë të vizitojnë.
6 nga 10 të anketuarit ndiejnë një nxitje emocionale kur rilexojnë rezervimet në hotel dhe imagjinojnë udhëtimet e tyre në të ardhmen.
Sidoqoftë, asgjë nuk mund të zëvendësojë blerjet : më shumë se gjysma e të anketuarve pretenduan se blerja e rrobave për pushime ishte një nga ngritësit më të mëdhenj të humorit!
A keni pasur ndonjëherë një përvojë udhëtimi që ndryshon jetën? Ndani historitë tuaja duke shkruar në komente!
Burimi: Brightside Përshtati: Fjala.al
