U duk sikur përplasjet e bujshme me tifozerinë dhe drejtuesit perënduan, por në të vërtetë ato kanë krijuar një krisje të pariparueshme. Sigurisht koha kur e kërcënonin nga vajza e vogël dhe familja kanë kaluar, por Granit Xhaka nuk e ka më dashurinë për fanelën e Topçinjve, dhe as këta të fundit për mesfushorin me origjinë shqiptare.
Xhaka mund të largohet nga Londra gjatë verës që po vjen nëse “Gunners” marrin një ofertë të kënaqshme nga ndonjë klub i njohur evropian. Arsenali është i gatshëm ta shesë Granit Xhakën pas përfundimit të këtij sezoni dhe sipas “Metro”, ai do të ndjekë gjurmët e pritshme të Shkodran Mustafit, shqiptari tjetër nga Gostivari.
Lojtari i kombëtares zvicerane i kishte prishur punët me tifozët e “Gunners” pas një përplasjeje që kishte me ta në tetor të vitit të kaluar. Gjatë janarit pritej largimi i tij nga Londra në drejtim të Gjermanisë, por në fund ai qëndroi në “Emirates Stadium”. Tani 24 vjeçari mund të shitet nëse Arsenali e merr një ofertë bindëse dhe të kënaqshme nga ndonjë klub i njohur evropian, dhe agjentët e klubit kanë nisur sondazhet. Bundesliga mbetet preferencë e Xhakës.
