Trajneri spanjoll Pep Guardiola thotë se Manchester City nuk e kishte ‘të njëjtin pasion’ sa Liverpool në betejën për titullin e Premier League këtë sezon pasi humbja ndaj Chelsea konfirmon suksesin e Reds, Liverpool finalizoi titullin e parë që nga viti 1990, por pa luajtur fare, pas fitores 2-1 të Chelsea ndaj City në Stamford Bridge.
Një goditje e zgjuar e Christian Pulisic dhe një penallti e ftohtë e Ëillian i nënshtroi lojtarët e Guardiolës në perëndim të Londrës, me goditjen e dënimit të lirë të Kevin De Bruyne të kotë edhe pse ishte një gol i bukur. ‘Ndoshta nuk kemi mbërritur në këtë periudhë me të njëjtin pasion. Liverpooli luajti çdo ndeshje të vetme si të ishte shansi i fundit që ata kishin. ‘Ky është realiteti, që ne jemi shumë larg tyre’ tha Guardiola.
‘Liverpool ishte fantastik dhe kishte qëndrueshmëri gjatë gjithë sezonit. Ne humbëm pikë në fillim të kampionatit, dhe Liverpool nuk lëshoi. Do të duhet të rikuperohemi për sezonin e ardhshëm, të jemi më të qëndrueshëm dhe të rikuperojmë pikët që na kanë munguar këtë sezon. Ky është realiteti. Dy vjet më parë ne ishim 25 pikë përpara Liverpool, dhe tani ata janë pikërisht në distancë përpara” tha tekniku i Citizens.
