Kompanitë e teknologjisë “rrëzojnë” urdhrin e Trump-it për vizat e punës

113 563 lexime

124,178FansaPëlqeje

Kompanitë e teknologjisë u janë kundërvënë kufizimeve të fundit të emigracionit nga presidenti amerikan Donald Trump, kësaj radhe duke synuar programet e vizave që ata përdorin për të sjellë mijëra punëtorë të huaj dhe të talentuar në SHBA. Trump nënshkroi një urdhër ekzekutiv të hënën duke zgjeruar kufizimet për disa viza pune deri në fund të këtij viti, përfshirë vizën L-1 që i lejon kompanitë t’i transferojnë punonjësit nga zyrat jashtë shtetit dhe programin H-1B për punëtorët në profesione të specializuara.

Të dyja vizat janë të njohura me gjigantët e teknologjisë së Shteteve të Bashkuara dhe këto të fundit reaguan shpejt për ta dënuar urdhrin ekzekutiv.

“Emigracioni ka kontribuar jashtëzakonisht shumë në suksesin ekonomik të Amerikës, duke e bërë atë një udhëheqës global në teknologji”, tha CEO i Google, Sundar Pichai, në Twitter. “Të zhgënjyer nga shpallja e sotme, ne do të vazhdojmë të qëndrojmë me emigrantët dhe të punojmë për të zgjeruar mundësinë për të gjithë”, shtoi ai. Jessica Herrera-Flanigan, filantropia e twitter-it për Amerikën, tha që politika do të përfundojë kështu në dëm të ekonomisë vendase. “Kjo shpallje minon pasurinë më të madhe ekonomike të Amerikës: diversitetin e saj”, tha Flanigan në një deklaratë. “Shtrëngimi në mënyrë të njëanshme dhe të panevojshme e tërheqjes së Amerikës ndaj talentit global është dritëshkurtër dhe thellësisht i dëmshëm për forcën ekonomike të Shteteve të Bashkuara.”

Kufizimet e reja do të hyjnë në fuqi në 24 qershor. Instituti i Politikave të Migracionit në Uashington DC, vlerësoi se ato do të bllokojnë 219 mijë punëtorë të përkohshëm. Trump pretendon, megjithatë, se kufizimi i emigracionit do ta ndihmojë ekonominë amerikane të shërohet nga tronditja e pandemisë së koronavirusit, një ide që u kundërshtua fort nga Amazon. “Vlerësimi i talenteve globale është më i rëndësishëm se kurrë për Shtetet e Bashkuara, dhe ne do të vazhdojmë të mbështesim përpjekjet që do të ruajnë aftësinë e tyre për ta forcuar ekonominë tonë”, tha një zëdhënës i kompanisë.

Lexo edhe :  DW: Gjermania, frikë për ekonominë e pak besim te kancelari Merz

Një reagim pati edhe nga rrjeti social facebook. “Presidenti Donald Trump po përdor pandeminë COVID-19 si justifikim për kufizimin e emigracionit. Në realitet, masa për t’i mbajtur njerëzit e aftë jashtë Shteteve të Bashkuara, do ta bëjë rekuperimin e vendit tonë edhe më të vështirë”, tha një zëdhënës i facebook-ut. “Mbajtësit e vizave luajnë një rol kritik në nxitjen e inovacionit në facebook dhe tek organizatat në të gjithë vendin – dhe kjo është diçka që duhet ta inkurajojmë, jo ta kufizojmë.” Drejtuesit e shquar të teknologjisë, përfshirë CEO Tesla (TSLA), Elon Musk, dhe presidentin e Microsoft, Brad Smith, gjithashtu folën kundër urdhrit ekzekutiv. “Tani nuk është koha për të larguar kombin tonë nga talenti i botës, ose për të krijuar pasiguri dhe ankth,  tha Smith. Ndërsa Musk u shpreh se ai nuk pajtohej me vendimin e administratës Trump. “Reforma e vizave ka kuptim, por kjo është një lëvizje shumë e gjerë…”, tha ai.

Disa organe të industrisë së teknologjisë gjithashtu shtuan zërat e tyre. Shoqata e Internetit, anëtarët e së cilës përfshijnë Amazon, Google, Facebook, Microsoft, Twitter, Uber dhe PayPal, janë në mënyrë specifike të thirrur nga programi H-1B , të cilin Trump e ka synuar në të kaluarën dhe vazhdon të jetë e diskutueshme. “Mbajtësit e vizave të larmishme dhe të arritura H-1B në SHBA krijojnë vende pune amerikane dhe ndihmojnë ekonominë tonë të rritet”, tha Sean Perryman, drejtori i shoqatës. “Të gjitha industritë përfitojnë nga një sistem vizash që i lejon kompanitë amerikane të tërheqin më të mirët, pa marrë parasysh se nga vijnë punonjësit.”

/E.B./Fjala.al

Të fundit

“Po marrim përsëri kryeqytetin tonë”, Trump dërgon Gardën Kombëtare në Uashington

Presidenti i Shteteve të Bashkuara, Donald Trump, ka marrë një vendim të rëndësishëm për të ardhmen e kryeqytetit, Uashingtonit. Ai...

Tre ditë para takimit Trump-Putin, liderët e BE deklaratë të përbashkët

Liderët e shteteve të BE-së kanë miratuar një deklaratë të hënën vonë, përmes së cilës theksojnë nevojën që ukrainasit të kenë lirinë për të vendosur...

Zjarret në Tiranë, nënkryetari: Kush kryen veprime të qëllimshme, përballet me ligjin

Flakët e zjarrit me përmasa të konsiderueshme prej disa ditësh kanë përfshirë fshatin Damian në njësinë administrative Vaqarr. Nënkryetari i Bashkisë së Tiranës, Blendi Sulaj...

Madonna i kërkon Papa Leos të vizitojë Gazën para se të jetë tepër vonë

Madonna i ka kërkuar Papa Leos të vizitojë Gazën në një mision humanitar për të ndihmuar fëmijët palestinezë që po vdesin nga uria ,...

Konsumatorët në rrezik/ Italia zhduk nga supermarketet brokolin e stilit napoletan

Masat u ndërmorën pas shqetësimit në rritje në lidhje me një kanaçe një kilogramëshe të destinuar kryesisht për industrinë e restoranteve dhe me origjinë...

Lajme të tjera

Web TV