Trupi i pajetë i një personi është gjetur mëngjesin e sotëm, në zonën e Qerretit në Kavajë.
Më konkretisht kufoma është gjetur rreth orës 08:00, në vendin e quajtur Përroi Leshniqës Qerret, në largësi rreth 200 metra nga bregu i detit.
Peshkatarët e zonës kanë konstatuar një shtetas ende të paidentifikuar pa shenje jete, i dyshuar i mbytur aksidentalisht.
Grupi hetimor ndodhet në vendngjarje dhe po punon për identifikimin e personit dhe zbardhjen e plotë e rrethanave të ngjarjes./Bl.Ba/Fjala.al
