Irani sulmoi dje dy baza amerikane në Irak duke përshkallzuar konfliktin midis dy vendeve. Sipas Teheranit zyrtar, nga ky sulm mbetën të vdekur 80 ushtarë amerikanë.
Por, presidenti amerikan Donald Trump i hodhi poshtë këto pretendime duke thënë se asnjë amerikan nuk ishte lënduar nga sulmi. Ndërsa i ofroi Iranit alternativën e paqes dhe të marrëveshjeve me kusht që të heqë dorë nga prodhimi bërthamor.
Ndërkaq, media amerikane Bloomberg ka nxjerrë fotot e para që mendohet të jenë nga sulmi iranian i kryer ndaj bazave amerikane.
Donald Trump nga ana e tij, tha se nuk do t’i përgjigjet sulmeve iraniane, megjithatë sipas tij, SHBA-ja është e përgatitur për gjithçka.
Ai mohoi që të ketë të lënduar në radhët e amerikanëve aq më tepër të vdekur. Ndërsa vetëm infrastruktura e bazave ushtarake pësoi dëme të vogla.
Konflikti midis dy vendeve u përshkallëzua pas vrasjes me avion të telekomanduar të gjeneralit iranian Kasem Sulejmani. Irani iu përgjigj SHBA-ve me sulmin ndaj dy bazave amerikane, duke shkaktuar vetëm dëme materiale.
