Dy automjete janë djegur gjatë natës në qytetin e Elbasanit brenda një harku kohor prej 30 minutash.
Sipas burimeve, automjeti i parë me targa AA300UT u përfshi nga flakët rreth orës 03:00 të mëngjesit në lagjen “Beqir Dardha”.
Pas njoftimit nga banorët e zonës shërbimi zjarrfikës arriti të shuante flakët e automjetit i cili u dogj pjesërisht.
Burime zyrtare bëjnë me dije se automjeti i djegur është në pronësi të Drejtorit të ISHSH për Elbasanin Bendi Musai.
Zyrtarët e policisë dyshojnë për zjarrvënie të qëllimshme për shkak të postit të Musait.
Ndërkohë po në Elbasan në Lagjen “Haxhias” rreth orës 03.30 është djegur automjeti tip pezho me targë AA 197 HY në pronësi të shtetasit Tomorr Panxhi. Në këtë rast mbeten të paqarta rrethanat e përfshirjes nga zjarri të këtij automjeti ./Fjala.al/Ke.Ba
