Policia thotë se ka ndërhyrë duke parandaluar përshkallëzimin e mëtejshëm të një konflikti mes tre vëllezërve, për motive pronësie.
Efektivët e policisë Mat, pasi kanë marrë informacion se në fshatin Midhë, Njësia Administrative Komsi, pasditen e së dielës po ndodhte një konflikt në familje.
Falë ndërhyrjes së shpejtë kanë parandaluar konfliktin e mëtejshëm që mund të kishte pasoja të rënda.
Në përfundim të veprimeve të para hetimore u bë arrestimi në flagrancë i G. S., 34 vjeç, banues në Burrel, pasi ka goditur me një send të fortë gjyshen e tij 80-vjeçare, e cila pasi ka marrë ndihmë mjekësore në spital, është larguar drejt banesës.
Po ashtu u arrestuan I. S., 45 vjeç dhe F. S., 42 vjeç, banues në fshatin Midhë, pasi për motive pronësie kanë goditur me sende të forta vëllanë e tyre B. S., 58 vjeç, i cili pasi ka marrë ndihmë mjekësore është larguar drejt banesës.
Ndaj të dyshuarve për ndjekje të mëtejshme, materialet iu referuan Prokurorisë së Matit, për veprën penale “Dhuna në familje”./Bl.Ba/Fjala.al
