Irani ka kërkuar ndihmën e Interpolit për të arrestuar presidentin e Shteteve të Bashkuara, Donald Trump. Ata e akuzojnë presidentin dhe dhjetëra persona të tjerë për sulmin me dron që vrau gjeneralin e lartë Iranian në Beograd.
Lajmi është konfirmuar ditën e hënë nga një prokuror lokal.
Ndërsa Trump nuk përballet me asnjë rrezik arrestimi, akuzat vënë edhe një herë në pah tensionet e ngritura mes Iranit dhe Shteteve të Bashkuara qëkur Trump tërhoqi në mënyrë të njëanshme Amerikën nga marrëveshja bërthamore e Teheranit me fuqitë botërore.
Prokurori i Teheranit Ali Alqasimehr u shpreh se Trump dhe më shumë se 30 persona të tjerë, të cilët Irani akuzon për përfshirje në sulmin e 3 janarit që vrau gjeneralin Qassem Soleimani në Bagdad, përballen me akuza për ‘vrasje dhe terrorizëm,’ raportoi agjencia shtetërore e lajmeve IRNA.
Alqasimehr theksoi se Irani do të vazhdojë të ndjekë çështjen edhe pasi mandati i Trump të ketë përfunduar. Ka.Li/fjala.al
