Alvin Berisha 11 vjeçari që shpëtoi nga kampi në Siri, ka ardhur në Shqipëri së bashku me të atin. Kjo është hera e parë që Alvin erdhi në Shqipëri që nga momenti që u shpëtua nga kampi në Siri, ai ka qenë pranë familjes së tij e cila jeton në Itali.
I ati, Afrim Berisha ka publikuar së fundmi në rrjetet sociale një foto së bashku me Alvinin nga porti i Durrësit. 11-vjeçari, duke buzëqeshur, shfaqet i veshur me bluzë të kuqe me flamurin shqiptar.
Në moshën 6 vjeçare, në dhjetor të 2014, Alvin Berisha shkoi drejt Sirisë me të ëmën që dëshironte t’i bashkohej ISIS-it. Ajo humbi jetën nga një bombardim kundër militantëve të Shtetit Islamik në Siri, ngjarje gjatë të cilës është plagosur rëndë edhe Alvini.
Alvin Berisha, vogëlushi 11-vjeçar, u shpëtua nga kampi Al Hol në Siri pak muaj më parë, pasi emisioni investigative ‘Le lenne’ bëri publike historinë e tij. U desh një operacion i mirë-organizuar nga autoritetet italiane dhe shqiptare si dhe organizatat humanitare për të bërë të mundur nxjerrjen e tij nga kampi i ferrit dhe bashkimin e Alvinit me familjen e tij./Re.Gu/Fjala.al
