Duke filluar nga dita e nesërme Greqia ka vendosur të mbyllë kufirin për të gjithë shtetasit serbë që duan të hyjnë në territorin grek.
Lajmi u bë i ditur nga zëdhënësia e qeverisë greke, e cila deklaroi se ky vendim u mor pas numrit të lartë të të prekurve me COVID-19.
Ky pezullim do të jetë i përkohshëm dhe do të zgjasë deri në 15 korrik, datë e cila përkon me vendimin e shtetit helen për hapjen ose jo të kufijve me Shqipërinë dhe Maqedoninë e Veriut.
Sipas zonjës Peloni, Greqia ruan të drejtën të përshtasë politikat e saj sipas përshkallëzimit të situatës.
Sipas saj, Greqia mbetet vend mikpritës dhe tepër i sigurt për turistët që dëshirojnë të kalojnë pushimet në vend.
Po ashtu edhe ministri i Jashtëm serb Ivica Daçiç ka deklaruar se nga nesër në orën gjashtë të mëngjesit Greqia do të mbyllë kufijtë e saj për qytetarët e Serbisë. /Fjala.al/Ke.Ba
