Mjekja psikiatre, Mjekja Rreli tha se në familjen Josifi diçka ka funksionuar keq, ndërsa shtoi se tragjedia lidhet me problemet e psikozës, që në gjuhën e psikanalistëve njihet edhe si ‘çmenduri familjare’.
“Mendoj se në atë familje diçka ka funksionuar keq. Përgjithësisht persona që zhvillojnë psikozë të indoktuar nga një lider, që ka qenë nëna ose vajza, quhet ‘çmenduri familjare’ si siptomë. Është një lider që mbi bazën e delirit të vet ka një deformim të realitetit.
Vetë psikoza tenton mbylljen e personave. Personi që udhëheq zhvillon këtë mendim dhe ua dikton anëtarëve të familjes, që normalisht janë më të nënshtruarit. E tillë psikozë do një nivel inteligjence.
Në përgjithësi problemet me psikozën, ose çrregullimet e të menduarit, hasen te personat me inteligjencë të lartë. Kështu që nuk na çudit fakti që vajzat ishin të shkolluara. Gjithçka tregon se ishte një psikozë brenda familjes.
Kjo familje kishte një traumë, ku babai i tyre i gjymtuar ishte vetëvrarë. Ky është një model shabllon që është ndjekur nga familjarët, por në një mënyrë tjetër. Fakti që ata nuk kishin asnjë raport me realitetin, e ka ushqyer këtë psikozë,” tha Rreli në emisionin “Real Story”.
Kujtojmë se tragjedia në Kombinat që tronditur mbarë opinionin publik, ku nënë e bijë, Zhaneta dhe Anisa Josifi, u gjetën të vdekura brenda banesës së tyre, pasi ishin vetëflijuar duke besuar te ringjalla.
