Dy administratorë lokalesh janë proceduar penalisht nga policia e Tiranës, pasi akuzohen për veprën penale “Prishja e rendit dhe qetësisë publike”.
Bëhet fjalë për dy lokale në zonën e ish-Bllokut, të cilët janë konstatuar që nuk respektonin masat e marra për parandalimin e përhapjes së COVID-19 dhe vendosnin muzikë të lartë, tej normave të lejuara.
Të proceduar penalisht janë shtetasit D.S., 25 vjeç dhe A.P., 20 vjeç. Gjithashtu për subjektin në administrim të shtetasit D. S. mësohet se është vendosur masë administrative 1.000.000 lekë.
Burimet zyrtare bëjnë me dije dhe se kanë sekuestruar pajisjet që përdoreshin për të bërë muzikë në ambientet e këtyre lokaleve.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
/En.Br./Fjala.al
https://youtu.be/XzlpNoMOk-s
