Ndryshimi në stol i Mauro Manzonit dhe zëvendësimi i tij me Fabricio Kamaratën ka rezultuar pozitiv për skuadrën e Dinamos.
Vetëm nga tri ndeshjet e fundit ekipi blu ka arritur që të sigurojë 5 pikë, ku arriti të merrte barazime me Veleçikun dhe Shkumbinin si dhe fitore me Tërbunin, duke ringjallur shpresat e vazhdimit në Kategroinë e Parë.
Tekniku Kamarata arriti që në pak kohë të ndryshonte situatën për skuadrën e Dinamos edhe pse këtë me një mënyrë shumë të hekurt.Mësohet se deri tani janë mbyllur kontratat me dy lojtarë, me sulmuesin Kristjan Prendi dhe portierin Erkan Spahija.
Sipas drejtuesve të kësaj skuadre është thënë se kjo gjë ka ndodhur sepse lojtarët nuk janë impenjuar mjaftueshëm. Gjithashtu mësohet se përpara takimit me Veleçikun, portieri Saphija nuk ka pranuar që të luajë, sipas të cilit kjo sepse ishte i dëmtuar.
Ndërsa me Prendin ka patur një debat dhe mësohet se të dyja palëtt kanë kërkuar ndërprerjen e kontratës.
Në merkaton e janarit pritet që drejtuesit e Dinamos të ndikojnë fuqishëm në skuadër duke marrë lojtarë të rinj. Duhet theksuar se ditët e fundit trajnimet dhe ndeshjet e skuadrës janë ndjekur nga afër nga vetë drejtuesi Marko Pontreli./Përgatiti: Fjala.al/
