Të gjithë e dimë se hidratimi i fytyrës është shumë i rëndësishëm pasi një fytyrë jo e hidratuar ndihmon në krijimin e rrudhave. Kremrat hidratues në treg janë të shumtë por një maskë në kushte shtëpie është shumë herë më e sigurtë se një krem, përbërësit e të cilët mund të mos jenë 100% natyralë.
Përbërësit që ju duhen për maskën: 1/2 avokado, 1 lugë gjelle mjaltë, 1 dorë tërshërë.
Duket si një mëngjes i bukur për t`u fotografuar, nga ata që shohim në Instagram, por në fakt këta përbërës funksionojnë shumë mirë për lëkurën e fytyrës tuaj. Mjalti është një hidratues shumë i mirë, si dhe ndihmon në rigjenerimin e lëkurës së dëmtuar. Tërshëra është shumë e mirë për të ushqyer dhe qetësuar lëkurën e acaruar.
Përzieni mjaltin dhe tërshërën me gjysmë avokadoje (vetitë e së cilës njihen shumë mirë) të bërë pure, nëse nuk ju ndodhet avokadoja, zëvendësojeni me 3 lugë gjelle qumësht. Lëreni për 15 minuta dhe më pas shpëlajeni me ujë të bollshëm. Lëkurën do ta ndjeni më të butë dhe më të hidratuar./Fjala.al
