Një tjetër ndeshje e Kategorisë Superiore mund të hapë dyert e stadiumit “Air Albania”, pas derbit Partizani-Tirana. Takimi midis Kukësit dhe Partizanit, që do zhvillohet në datën 26 janar, pritet të mbahet në stadiumin e ri.
Të dyja skuadrat janë pretendentë kryesorë për të fituar këtë sezon, me vetëm një pikë diferencë, ku momentalisht kryeson ekipi i Kukësit.
Ende nuk është dhënë miratimi nga Federata Shqiptare e Futbollit, megjithatë shancet janë të mëdha.
Pritës të kësaj ndeshjeje janë verilindorët, ndërsa zhvillimi i takimit në “Air Albania” do i mbushte ambientet me një numër të madh tifozësh.
