Presidenti i skuadrës së Partizanit, Gaz Demi ka kohë që ia ka lënë drejtimin e klubit Drejtorit të Përgjithshëm, Olsi Ramës. Madje edhe ndryshimet në stol ai i Skënder Gegës me Franko Lerdën janë bërë me aprovimin e Olsi Ramës.
Ishte pikërisht ky ndryshim në stol që solli problem të mëdha në skuadër dhe krisje midis drejtuesve.
Presidenti i klubit ka qenë i pakënaqur nga tekniku Italian prej një periudhe të gjatë khë dhe ka kërkuar që më parë largimin e tij.
Madje edhe vendimi për shkarkimin e Franko Lerdës mendohet të jetë bërë nga Presidenti Demi, i cili edhe komunikimin për këtë largim e bëri në vetën e parë.
Për më tepër bëhet me dije se Olsi Rama nuk ka qenë fare në Shqipëri në momentin që është bërë shkarkimi i Lerdës.
Kjo gjë në njëfarë mënyre tregon se drejtimi i skuadrës së Partizanit ka krisje e cila ka filluar disa muas pas fitimit të kampionatit./Përgatiti: Fjala.al/