Kandidati i tretë dhe i fundit për kreun e SPAK, Ervin Kondili shpalosi vizionin e tij para Këshillit të Lartë të Prokurorisë. Kandidati Kondili ka shprehur dëshirën e tij për drejtimin e SPAK nisur nga motivimi dhe eksperienca e tij.
“Ngritja e SPAK do të bazohet në objektiva konkrete dhe në afate sa më të shpejta, krijimi i BKH do të vijë si plotësuese e SPAK. Garantimi total i pavarësisë së prokurorëve, mentaliteti i ndryshuar i prokurorëve është larg centralizimit të dikurshëm. Prokurori është përgjegjës për të gjitha veprimet e veta. Organizimi i veprimit për çështjet nën hetim, protokolle hetimore konkrete me afate të qarta hetimi. Puna në grup, një qellim i përbashkët i gjithë SPAK: aplikimi i hetimeve proaktive për hetime pasurore. Opinioni publik pret rezultate konkrete dhe është detyra jonë parësore të vijmë në pritshmërinë e tij. Bashkëpunimi me agjensitë e tjera ligjzbatuese me rëndësi të veçantë: efektiv, në kohë sa më të shkurtër dhe me mjetet më të përshtatshme për çdo çështje. Marrëdhënia me publikun është shumë e rëndësishme dhe bashkëpunuese sigurisht pa cenuar sekretin hetimor“.- u shpreh kandidati Ervin Kondili
