Tërmeti i cili u ndje para disa minutash me magnitudë 4.3 rihter, kishte si epiqendër Vorën. Për lëkundjet e fundit reagoi edhe kryetari në detyrë i bashkisë Vorë Gent Picari.
Sipas tij, nga lëkundjet nuk është shkaktuar asnjë dëm. Picari u shpreh se edhe në banesat e dëmtuara nga tërmeti i 26 nëntorit nuk ka pasur agravim të situatës.
“Normalisht ishim në mbledhje për të kaluar bonusin e qirasë. U ndje ishte i konsiderueshëm. Jemi në terren dhe kemi dalë por fatmirësisht nuk kemi asnjë dëm. Nuk janë agravuar dëmet që kishim më parë. Në këto minuta të para nuk raportohet për dëme të gjithë punonjësit nuk raportojnë për dëmtime. Duhet të theksojmë se shumë banorë nuk janë në pallate për faktin se janë në banesa me qira. Me kalimin e kohës presim që njerëzit të qetësohen me kalimin e kohës” tha kryetari në detyrë i bashkisë së Vorës për Report Tv.
